Ахова працы

У Дзяржаўнай лесагаспадарчай установе "Аршанскі лясгас" укаранёна Сістэма менеджменту здароўя і бяспекі пры прафесійнай дзейнасці ў адпаведнасці з патрабаваннямі дзяржаўнага стандарту СТБ ISO45001-2020 «Сістэмы менеджменту здароўя і бяспекі працы пры прафесійнай дзейнасці. Патрабаванні і кіраўніцтва па прымяненні». Сістэма сертыфікавана. Сертыфікат адпаведнасці сапраўдны да 03.06.2024. Рэгулярна праводзяцца карэкціруючыя і папераджальныя мерапрыемствы з мэтай дасягнення запланаваных вынікаў і пастаяннага паляпшэння функцыянавання Сістэмы.

У 2022 годзе зрасходавана сродкаў на выкананне мерапрыемстваў па паляпшэнню ўмоў працы на працоўных месцах са шкоднымі і небяспечнымі ўмовамі - 106,4 тыс.руб. У 2022 годзе праведзена атэстацыя 6 працоўных месцаў па ўмовах працы. Тым, хто працуе са шкоднымі і (або) небяспечнымі ўмовамі працы, на падставе вынікаў атэстацыі працоўных месцаў, робіцца даплата і даецца дадатковы водпуск. Якія працуюць са шкоднымі і (або) небяспечнымі ўмовамі працы забяспечваюцца сродкамі індывідуальнай абароны, спецвопраткай. Дадаткова, звыш прадугледжаных Тыпавымі нормамі выдачы сродкаў індывідуальнай абароны, для работнікаў дрэваапрацоўчай вытворчасці, навальшчыкаў-звальшчыкаў лесаматэрыялаў, вадзіцеляў (вывазка лесу) прадугледжаны касцюмы (плашчы) для абароны ад атмасферных ападкаў, касцюмы і спецыяльны абутак ад прапілу для вальшчыкаў лесу.

Пры прыёме на працу і падчас прафесійнай дзейнасці працавальныя праходзяць абавязковыя медыцынскія агляды. У 2022 годзе перыядычны медыцынскі агляд праведзены для 204 працаўнікоў. Штогод праводзіцца вакцынацыя працаўнікоў супраць клешчавога энцэфаліту, грыпу.

Усе лясніцтвы, лесапункты забяспечаны аўтамабілямі для дастаўкі працуючых ГАЗ-66 з абаграваемымі кунгамі, грузапасажырскімі аўтамабілямі УАЗ.

У лясгасе ёсць 3 бытавыя модулі стацыянарных на станцыі пагрузкі вагонаў. У структурных падраздзяленнях, лясніцтвах абсталяваны пакоі прыёму ежы. Для работнікаў рамонтна-механічных майстэрняў, дрэваапрацоўчай вытворчасці абсталяваны бытавыя памяшканні.

У 2022 годзе на базе лясгаса былі арганізаваны навучальныя курсы работы на мотакустарэзах для 37 работнікаў лясгаса. На базе Бешанковіцкай філіі "Рэспубліканскі цэнтр павышэння кваліфікацыі кіруючых работнікаў і спецыялістаў лясной гаспадаркі" 18 работнікаў прайшлі навучальныя курсы па прафесіі "вальшчык лесу" 6 разраду. Па прафесіі «машыніст-кранаўшчык» навучаны 4 работнікі.

Штогод у лясгасе праводзіцца атэстацыя вальшчыкаў лесу на адпаведнасць прафесійным патрабаванням і навыкам работы па прафесіі "вальшчык лесу" 6 разраду.

Прыборны кантроль ап'янення вадзіцеляў аўтамабіляў, работнікаў дрэваапрацоўчай вытворчасці праводзіцца штодзень медыцынскім работнікам. Ва ўсіх структурных падраздзяленнях лясгаса, у кабінеце аховы працы маюцца прыборы Алкатэст 203.

У мэтах павышэння прафесійнага майстэрства вальшчыкаў лесу, а таксама распаўсюджвання, павышэння прэстыжу прафесіі праводзяцца спаборніцтвы вальшчыкаў лесу ў лясгасе, каманда лясгаса ўдзельнічае ў спаборніцтвах на абласным узроўні.

У рамках забеспячэння кантролю за выкананнем патрабаванняў заканадаўства па ахове працы, спецыялістамі аховы працы, а таксама спецыялістамі лясгаса праводзяцца штомесяц Дні, штоквартальна Тыдня аховы працы. У лясгасе праводзіцца грамадскі кантроль па выкананні патрабаванняў па ахове працы з удзелам грамадскіх інспектараў.